![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Udhërrëfyesi i guidave turistike, 31-vjeçar Daniel Mascarenas da Silva ishte viktimë e një vrasjeje brutale nga dy gra në Brazil me një kamera sigurie që regjistroi të gjithë momentin e sulmit ndaj tij.
Siç shihet edhe në video, dy femra të cilat ishin me një motomjet kanë ndaluar dhe i janë afruar ciceronit 31-vjeçar kur ai po kthehej nga puna herët në mëngjesin e së mërkurës në Rio de Zhaneiro .
Dy femrat e kanë kërcënuar me armë për t’i dorëzuar çantën, ku fillimisht 31-vjeçari iu nënshtrua kërcënimeve të tyre.
Disa sekonda më vonë, 31-vjeçari, megjithatë, ka reaguar, duke shkaktuar një përleshje, gjatë së cilës është goditur vazhdimisht me thikë , nga e cila ka mbetur i plagosur për vdekje.
Sipas mediave braziliane, 31-vjeçari u gjet i vdekur pak pas orës 02:00 jashtë një spitali ku u përpoq të shkonte pasi ishte plagosur rëndë.
Sipas të njëjtave burime, 31-vjeçari është goditur me thikë për vdekje nga gruaja bionde e cila së bashku me bashkëpunëtoren e saj janë larguar nga vendi i sherrit sikur të mos kishte ndodhur asgjë.
Siç shihet në video ciceroni pas sulmit i është afruar një taksie e cila kishte ndaluar dhe ashtu si duket shoferi ka parë gjithë skenën e krimit por nuk e ka marrë të plagosurin për ta shoqëruar në spital, gjithashtu duket dhe indiferenca e kalimtarëve të rastit.
Pas një mobilizimi të madh të policisë, dy femrat u arrestuan dhe u akuzuan për vrasjen e 31-vjeçarit fatkeq.
IMAGENS FORTES: Câmera de segurança registra ação de mulheres atacando o guia turístico Daniel Mascarenhas após ele reagir a tentativa de assalto.#ODia
Crédito: Divulgação pic.twitter.com/cChBQBIRW3— Jornal O Dia (@jornalodia) January 6, 2023